HERCHHUAK THUAI SE

Everyday Medicine

1) THE PHARMACOLOGY OF KUHVA:

Mizote hi kuhva heh, sahdah hmuam, meizial leh zuk leh hmuam theih zawng deuhthaw ti hnam kan ni, mahse chu chu kan sawi tum a ni lo.

Kuhva hring kan han ei a, a ei khat leh zei lo deuh chuan chil kan chhak chhen loh chuan kan han rui ngei a, kan thlan a tla a, kan lu a hai a, kan ek a chhuak thin a ni. Lungngai suh, nangmah chauh i ni bik love. A chhan nia lang awlsam thei angin kan han sawi dawn ange.

Kuhva rah kan tih ‘areca catechu’ a.k.a ‘betelnut’ a.k.a ‘kuai’ ah hian chemical alkaloid Arecholine an tih hi a awm reuh a. Arecholine hi Cholinergic group of drugs ah a tel a. Cholinergic drugs hnathawh dan te (kuhva lam hawi bikah):

1) Secretory glands (sweat glands a bik takin): secretion a ti tam a, thlan te a tla buah buah thei a, bakah ka chhungah chil/khak te pawh a ti tam a ni.
2) Gastro-intestinal(kan ril/intestine): Peristalsis a ti tam a, awmzia chu ril a che nasa a, kan thil ei ang ang khan mawng lam an pan thuai thuai thin a ni.
3) Vascular (thisen zam lam) :Arterial smooth muscle, thisen zam a muscle awm kha a ti nem/relax a, chuvang chuan thisen zam a lo lian/dilate ta thin a. Thisen zam a dilate/len chuan taksa temperature a sang thin a. Chumai bakah thluaka thisen zam pawh a lo dilate a, chu chuan lu hai/ headache te a thlen a, kan ni muai muai a, kan Rui, kan ti thin ta thin a ni.
4) Laryngospasm : I ruih fuh loh phei chuan i hrawk kha a tawt up up thin. Hei hi arecholine-in i hrawk muscles a khawih tel vang a ni.

Heng bakah hian i ruih fuh loh phei chuan i lung phu a dul ruih phah thei a, i mit pupil a dilate bawk ang, mahse heng hi chu kan inhre lem lo a ang.

Chinai (Lime) hi sawi leh lawk ila…he hi alkali a ni a. A hlauhawm em em mai a. Alkali hi a tam phei chuan acid ai pawha hlauhawm zawk a ni…Mizote hi pum chhiat loh ngaihna chu awm lo…cancer chu sawi loh.

2) THE PHYSIOLOGY OF YAWNING AND MUTCHHUAK AFTER CHAW EI TEUH:

Heng thu hi proof tak a la awm lo chu an ti nangin an zirtir dan tlangpui chu hetiang hi a ni:

Kan mut a chhuah chuan kan han ham bui bui a, a chang phei chuan zirlai bu keu fel chiah tihin kan han ham nghal a. Kan ham/yawn khan kan mutchhuak a zual thin emaw te kan tia, kan insum tang tang thin. Mahse, a nihna takah chuan i mut a chhuah khan i thluak ah thisen a lo tlem tihna a ni a, a thisen awm chhun pawh an saturated tawh te pawh niang, in zirlai a har si nen khan. Khatah tak khan stimulation a lo awm a, i han ham vak ta thin a. Mut chhuak emaw drowsy lem lo ham bui bui kan van em hi.

I ham vak a, thaw i la pawp a, i awm/thorax a lo zau a, i taksa danga thisen kha negative pressure vangin i lung/heart ah a lut teuh a (venous return a tam). Tichuan, in thaw chhuak leh chiah a, i lung khan thisen kha a pump chho ta teuh thin a, i lo harh zawk thin a ni.

Tin, Chawlhni zingah vawksa i ei a, a tui phei chu i hawp hnem lutuk Sunday School ah i mut a chhuak leh si, i in ringhlel a, i inthlahrung a ni. Mutchhuah dan chin erawh a inang awm lo e. Hei hi a chhan ni awm a lang chu, chaw i ei khan i thisen kha i gastrointestinal system (pumpui, ril) lamah a in channel thla teuh thin a. Hei hi a chhan chu chaw i lo ei khan i thil ei lo absorb tu tur thisen i mamawh hnem a ni. Hei hian i taksa dang atanga thisen a bik takin i thluak lama thisen kha a lo la hek ni rengin, i mut a lo chhuak ta.

(P.S. medical term ka hmang nual a Mizo tawnga dah ngaihna hriat loh leh sap tawnga a chiang zawka ka ngaih vang a ni)